Jissoktaw il-problemi fil-kamp Hamruniz

Mis-sezzjoni sportiva tal-gurnal KullHadd

Wara l-istagun sodisfacenti li kellhom is-sena l-ohra Hamrun Spartans, fejn spiccaw anke finalisti ghat-Tazza ta’ l-FA Trophy, jidher li l-istagun 2008/2009 mhux se jkollu l-ahjar bidu ghat-tim maghruf bhala “Ta’ Werwer”. Apparti l-wirjiet xejn impressjonanti fl-ewwel zewg loghbiet taghhom, fejn kisbu biss punt wiehed kontra Floriana f’loghba li ntemmet minghajr gowls, issa jidher li l-problemi fil-kamp Hamruniz huma wkoll amministrattivi.

Imkejjen infurmati tajjeb stqarrew li l-ewwel kontroversja li nqalghet kienet bejn il-kumitat u l-eroj Spartani Stefan Sultana qabel il-loghba ta’ kontra s-Sliema, liema loghba rat lil Sultana fuq il-bank tas-sostituti ghal hin twil, minkeja li l-attakkant ewlieni Gaetan Spiteri kien sospiz. Jirrizulta li wara l-loghba kontra s-Sliema, li Hamrun tilfu bl-iskor ta’ 2-0 b’ragel aktar fil-grawnd, il-kumitat tal-Hamrun iffacja zewg rizenji. KullHadd huwa infurmat li l-ewwel rizenja kienet tat-tezorier Manuel Fenech.

Din ir-rizenja waslet wara argument bejn Fenech u l-President Gejtu Cuschieri ftit tal-hin wara li ntemmet il-partita f’Ta’ Qali. Manuel Fenech huwa missier zewg prodotti importanti tal-Hamrun, Ryan u Roderick Fenech, li jiffurmaw parti mit-tim regolari.

Wara li ntemm l-istagun li ghadda, Manuel Fenech kien ikkritikat min-numru ta’ ufficjali Hamrunizi wara l-ahbar li kien ghaddej b’diskussjonijiet ma’ Victor Sciriha dwar il-possibilità li Ryan Fenech jinghaqad ma’ Valletta. Issa jidher li l-argument bejn il-President u Manuel Fenech faqa’ l-buzzieqa u wassal ghal din ir-rizenja.

Izda dan ma kienx kollox hekk kif sorsi qrib il-kamp Hamruniz komplew jghidu lil KullHadd li fl-ahhar jiem irrizenja wkoll is-Segretarju tal-klabb Sean Scicluna. Ghadu mhux maghruf x’wassal ghal din ir-rizenja, izda dawn l-izviluppi kollha marbuta mad-dizgwid li hemm fil-kumitat tal-Hamrun, qed ihassbu lill-partitarji Hamrunizi u lil kull min ghandu ghal qalbu l-futbol Malti.

Illum l-Ispartans jiltaqghu kontra Marsaxlokk fl-Istadium Nazzjonali f’Ta’ Qali, fejn mistenni jirritorna l-attakkant zaghzugh Gaetan Spiteri. Min-naha taghhom l-Ixlukkajri mhumiex neqsin mill-kontroversja hekk kif jidher li tezisti tensjoni mal-kowc Brian Talbot. Marsaxlokk jinsabu fl-istess sitwazzjoni tal-Hamrun f’dawk li huma punti, wara dro ma’ Hal Qormi u telfa mac-Campjins Valletta. Fil-loghba ta’ hbiberija bejn dawn iz-zewg timijiet, Hamrun hargu rebbieha bl-iskor ta’ 1-0, fl-okkazjoni tal-ftuh ufficjali mill-gdid tal-Victor Tedesco Stadium.